कुपवाड – महाराष्ट्र राज्य टेबल टेनिस असोसिएशनच्या मान्यतेने सुरज फाउंडेशन ग्रुप ऑफ नव कृष्णा व्हॅली स्कूल अँड ज्युनिअर कॉलेज मार्फत 5वी महाराष्ट्र राज्य टेबल टेनिस रँकिंग स्पर्धेचे आयोजन करण्यात आले आहे त्याचे उद्घाटन उद्योगपती मा सतीशशेठजी मालू -उमेद ग्रुप यांच्या हस्ते करण्यात आले.
यावेळी महाराष्ट्रातील सर्व जिल्ह्यातून जवळजवळ
7 00 मुलं मुली विविध वयोगटाच्या स्पर्धेमध्ये 11 13 15 17 19 वर्षाखालील व खुल्या गटांमध्ये पुरुष व महिला अशा एकूण सहा गटांमध्ये खेळाडू सहभागी झाले आहे. ही स्पर्धा या वर्षातील 5 वया क्रमांकाची असून ही स्पर्धा घेण्याचा मान सुरज फाउंडेशन ग्रुप ऑफ नव कृष्णा व्हॅली स्कूलल मिळाला असून आत्तापर्यंत जवळजवळ 12 स्पर्धा घेण्याचा मान हा नव कृष्णा व्हॅली स्कूल ला मिळाला आहे. विशेष म्हणजे सुरज फाउंडेशनचे अध्यक्ष व महाराष्ट्र राज्य टेबल टेनिस असोसिएशनचे अध्यक्ष मा प्रवीणजी लुंकड आहेत.
त्यामुळे किमान वर्षातून एक टेबल टेनिस राज्य रँकिंग स्पर्धेचे आयोजन असतेच खेळासाठी सातत्याने ते या माध्यमातून प्रयत्न करत असतात व खेळाडूंना प्रोत्साहन देत असतात. सर्वप्रथम सरस्वती पूजन व टेबल टेनिस खेळ खेळत या स्पर्धेचे उद्घाटन श्री सतीश मालू यांनी केले व खेळाडूंनी सातत्याने खेळावे त्यामुळे आपला आत्मविश्वास वाढतो. तसेच खेळामध्ये करिअर करण्याच्या भरपूर संधी असल्याचे सांगत खेळाडूंना शुभेच्छा दिल्या
स्वागत व प्रास्ताविक विनायक जोशी यांनी केली. यावेळी संस्थेच्या डायरेक्टर सौ संगीता पागनीस यांनी पाहुण्यांचा सत्कार केला तसेच सर्व विभाग प्रमुख उपस्थित होते.